Әһли Бејт -АБНА- хәбәр аҝентлијинин вердији хәбәрә әсасән "Милли-Мәнәви Дәјәрләр" Иҹтимаи Бирлијинин сәдри һаҹы Меһди Мәммәдовун гондарма мәһкәмә ишинә бахылан режимин Бинәгәди Рајон Мәһкәмәсиндә нөвбәти иҹлас кечирилиб.

Гондарма мәһкәмә ачыг шәкилдә баш тутуб.

Гондарма һаким саат 11:35-дә иҹласы ачыг елан едиб. Лакин әсасән шаһидләрин диндирилмәси просесинин апарылмасы планлашдырылмыш бу дәфәки иҹласда шаһидләрин һеч биринин олмамасы иҹласа 25 дәгигәлик фасилә верилмәсинә сәбәб олуб.

Гондарма мәһкәмә просесини АТӘТ-ин мониторинг групунун үзвләри дә мүшаһидә едибләр.

Фасилә баша чатдыгдан вә шаһидләр ҝәлдикдән сонра, саат 12:10-да иҹлас давам етдирилиб.

Илк олараг Бинәгәди Наркотикләрлә Мүбаризә Идарәсинин әмәлијјатчысы Исмајылов Мәзаһир Оруҹ оғлу шаһид гисминдә диндирилиб. Меһди Мәммәдовун вәкили Заман Сәмәдовун суалларына гејри-дәгиг ҹаваблар верән јаланчы шаһид билдириб ки, о садәҹә олараг әмри иҹра едиб. Әмри исә баш әмәлијјат мүвәккили Вүгар Нәҹәфов вериб. Әмәлијјаты да бу әмрә әсасән Вүгар Нәҹәфовун башчылығы илә 18.02.2012 тарихдә саат 13 радәләриндә һәјата кечирибләр.

Заман Сәмәдовун нөвбәти суалларындан јајынмаға чалышан јаланчы шаһид  даһа сонра деди ки, "Гыздырмам вар, өзүмү пис һисс едирәм, ифадәмдә нә јазмышамса одур. Һәм дә ки, артыг оланлары дәгиг хатырламырам."

Нөвбәти јаланчы шаһид исә диҝәр әмәлијјат мүвәккили Мухтаров Елнур Мәһәррәм оғлу олуб. Әввәлҹә о һакимин суалына ҹаваб верәркән дејиб ки, ҝуја онлар Меһди Мәммәдовдан наркотик васитә дашыјыб-дашымадығыны сорушублар. Меһди Мәммәдов да онда наркотик васитәнин олдуғуну дејиб. Онлар буну һарадан әлдә етдијини сорушдугда исә, ҝуја Меһди Мәммәдов да дејиб ки, әввәлҹәдән таныдығы шәхсдән алыб.

Даһа сонра Заман Сәмәдов јаланчы шаһидә суаллар үнванлајаркән исә јаланчы шаһид Елнур Мухтаров билдириб ки, онлар Меһди Мәммәдовдан сорушдугда Меһди Мәммәдов дејиб ки, танымадығы шәхсдән әлдә едиб.

Заман Сәмәдовун диҝәр суалларына бу јаланчы шаһид дә гејри-дәгиг, үмумиләшмиш шәкилдә ҹаваб верир, конкрет ҹаваблардан гачырды. Бәзи суаллара исә үмумијјәтлә ҹаваб вермир, хатырламадығыны дејир вә ја бу суаллары баш әмәлијјатчы Вүгар Нәҹәфова үнванламағы хаһиш едирди.

Белә олдугда Меһди Мәммәдовун вәкили Заман Сәмәдов һакимә мүраҹиәт едәрәк билдириб ки, јаланчы шаһидләрин һәр икиси һадисәдә бизим үчүн мүһүм олан мәгамлары хатырламадыгларыны дејирләр. Она ҝөрә дә, һәр ики шәхсин тибби мүајинәдән кечирилмәси, онларда јаддаш позғунлуғуна вә ја һәр-һансы башга руһи чатышмамазлыға ҝәтириб чыхаран хәстәлијин олуб-олмамасы барәдә тибби рәј верилсин. Чүнки онлардан суалларымыза ҹаваб ала билмирик.

Дөвләт иттиһамчысы исә буна етиразыны билдириб.

Һаким иттиһам олунан тәрәфин мүраҹиәтини гәбул етмәјиб.

Даһа сонра һаким билдирди ки, нөбәти шаһид гисминдә Бинәгәди баш әмәлијјатчысы Вүгар Нәҹәфов вә әмәлијјатда һал јаланчы шаһид кими иштирак етмиш ики шәхс диндириләҹәкләр.

Һәмин просес нөвбәти гондарма мәһкәмә иҹласында кечириләҹәк.

Нөвбәти гондарма мәһкәмә иҹласы исә, ијунун 25-и саат 11:00-а тәјин олунур.

Хатырладаг ки, "Милли-Мәнәви Дәјәрләр" Иҹтимаи Бирлијинин сәдри Меһди Мәммәдов феврал ајынын 18-и полис бөлмәсинә чағырылмыш, бөлмәдән чыхаркән исә режимин Тәһлүкәсизлик Назирлијинин муздурлары тәрәфиндән тутулмушдур. Бинәгәди Рајон Мәһкәмәси, истинтаг мүддәтинә Меһди Мәммәдова 2 ајлыг азадлыгдан мәһрум етмә һөкмү чыхармышдыр.

Диггәт: Хәбәрдән истифадә етдикдә мәнбәјә истинад лазымдыр