Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Ојаныш Һәрәкатынын Лидери, Азәрбајҹан Ислам Партијасынын һәбсдә олан сәдри, Доктор Мөвсүм Сәмәдовун һәјат јолдашы Меһпарә Сәмәдова “Медиа форум” сајтына белә дејиб: “Мән кимдән вә нә үчүн әфв истәмәлијәм? Тәк Мөвсүм Сәмәдов һәбс олунсајды, дејәрдим ки, бу онун сијаси фәалијјәти илә бағлыдыр, амма ҝөр наһагдан, сахта иттиһамла нечә нәфәри һәбсә атыблар, онлара неҹә ағыр ҹәзалар верибләр! Бу мәнзәрәни ҝөрән, бу һәјаты јашајан адам кими мән әфв истәјәрәмми? Онлар мәндән әфв, үзр истәсинләр”. Меһпарә Сәмәдова әлавә едиб ки, бу мәсәләдә Мөвсүм Сәмәдовун нә дүшүндүјүндән хәбәрсиздир: “Амма фикирләширәм ки, о, әфв әризәси јазмаз”.

Һәјат јолдашынын сөзләринә ҝөрә, Мөвсүм Сәмәдов Пенитенсиар Хидмәтин 11 сајлы Ҹәзачәкмә Мүәссисәсинә көчүрүлдүкдән сонра ики дәфә ҝөрүшүбләр: “Бунлардан бири шүшә архасындан олду. Диҝәри исә чох хаһишдән сонра һәјәтдә, гыса мүддәтә баш тутду. Ганунла бизә ајда бир дәфә гысамүддәтли, 6 ајдан бир исә аиләликлә 3 ҝүнлүк ҝөрүш верилир. Биз өзүмүз мүәјјән етмәлијик ки, 3 ҝүнлүк ҝөрүшә нә вахт ҝедәк. Бу барәдә һәлә фикирләширик”.

Меһпарә Сәмәдова һәјат јолдашынын хејли зәифләдијини дејиб: “Чох арыгламышды. Белә баша дүшдүк ки, јолладығымыз јемәкләр она чатмыр. Һәм дә Мөвсүм бәј һәбсә дүшәндән индијә гәдәр оруҹ тутур. Сонунҹу дәфә ҝөрүшәндә хаһиш еләдик ки, оруҹу сахласын, бизи нәзәрә алсын. Дејәсән, үч-дөрд ҝүнлүк сахлајыб, амма јенидән давам етдириб”.

АИП сәдринин Гәһрәман һәјат јолдашы әлавә едиб ки, ганичән әлијевләр режимин Тәһлүкәсизлик Назирлијинин муздурлары Доктор Мөвсүм Сәмәдовун горхусундан ону тез-тез сорғу-суал едир: “Сонунҹу дәфә мајда олуб белә һал. “Авровизија” маһны јарышмасы әрәфәсиндә Мөвсүм бәј халга мүраҹиәт етмишди. Бундан сонра о, 11 сајлы мүәссисәдә МТН әмәкдашлары тәрәфиндән сорғу-суала тутулуб. Даһа сонра ону карсерә салыблар. Биз бунунла мараглананда дедиләр ки, јох, Мөвсүм бәј карсердә дејил, садәҹә 14 ҝүнлүк карантиндәдир. Амма сонра өзү илә ҝөрүшәндә тәсдиг етди ки, ҹәзачәкмә мүәссисәсинә ҝәләндә ону 7 ҝүн карсердә сахалајыблар”.

Хатырладаг ки, 2011-ҹи ил октјабрын 7-дә Азәрбајҹана мүссәлләт олмуш әлијевләр режимин Бакы Ағыр Ҹинајәтләр Мәһкәмәси Азәрбајҹан Ислам Ојаныш Һәрәкатынын Лидери, Азәрбајҹан Ислам Партијасынын сәдри Мөвсүм Сәмәдова 12 ил иш кәсиб. Бу ил мајын 17-дә режимин Бакы Апеллјасија Мәһкәмәси әдаләтсиз гәрары гүввәдә сахлајыб. Партија лидери һакимијјәти зорла әлә кечирмә вә башга ҹинајәтләрдә тәгсирли билиниб. Амма бу чох чәкмәјәҹәк ҝүн ҝәләҹәк әлијевләр режими Мисир диктатору кими дәмир миләләр архасында төрәтдикләри һәр бир ҹинајтләрә ҹаваб вермәли олаҹаглар. ИншәАллаһ.

Диггәт: Хәбәрдән истифадә етдикдә мәнбәјә истинад лазымдыр