Әһли Бејт -АБНА- хәбәр аҝентлијинин вердији хәбәрә әсасән әлијевләр режиминин антиТалыш сијасәтләринин давамында бу јахынларда һәбс етдији Талыш Халгынын зијалысы Һилал Мәммәдовун мүдафиәссинә Бејнәлхалг Тәшкилатлар да ајаға галхмышдыр. Белә ки, Журналистләрин Мүдафиә Комитәси Һүгуг Мүдафиәчиси, Журналист Һилал Мәммәдовун азадлыға бурахылмасы зәмининдә бәјанат вермишдир. Бәјанатда белә дејилир. “Азәрбајҹан һакимијјәти талышларын гәзети олан “Толиши сәдо” гәзетинин баш редактору Һилал Мәммәдова гаршы сијаси характерли ишә хитам вермәли вә ону дәрһал азадлыға бурахмалыдыр”.

“Азадлыг” радиосунун мәлуматына ҝөрә, Журналистләри Мүдафиә Комитәсинин Авропа вә Мәркәзи Асија програмынын координатору Нина Огнјанова дејиб ки, журналисти етник азлыгларла бағлы мүсаһибәләр вердијинә вә мәгаләләр дәрҹ етдији үчүн дөвләтин тәһлүкәсизлијинә тәһдид төрәтмәкдә иттиһам етмәк дөзүлмәздир: “Азәрбајҹан һакимијјәти дәрһал Һилал Мәммәдову азад етмәли вә гәзетин журналистләринә гаршы тәзјигләри дајандырмалыдыр. Һилал Мәммәдовун сусдурулмасына хәрҹләнән дөвләт вәсаити әслиндә һәбсханада мүәммалы шәраитдә өлән Новрузәли Мәммәдовун ишинин әдаләтли арашдырылмасына јөнәлдилмәлидир”.

“Толыши сәдо” гәзетинин әввәлки баш редактору Новрузәли Мәммәдов 2007-ҹи илдә “дөвләтә хәјанәтдә” ШӘРЛӘНӘРӘК 10 ил һәбс ҹәзасы алыб. О, 2009-ҹу ил августун 17-дә Пенитенсиар Хидмәтин Мәркәзи Хәстәханасында мүәммалы шәкилдә вәфат едиб. Пенитенсиар Хидмәтин Тибб Баш Идарәси Новрузәли Мәммәдовун “баш-бејин ишемик инфарктындан” өлдүјүнү ачыгласада мәрһумун јахынлары мәһз профессорун гәтлә јетирилмәсини дејир.

Диггәт: Хәбәрдән истифадә етдикдә мәнбәјә истинад лазымдыр