Әһли Бејт -АБНА- хәбәр аҝентлијинин вердији хәбәрә әсасән Москвада  Таҹикистан сәфирлијинин гаршысында етник памирлиләрин – Дағлыг Бәдәһшан мүхтар вилајәтинин сакинләринин разылашдырылмамыш митинги кечирилир.

Аксијачылар һәрби әмәлијјатларын дәрһал дајандырылмасыны вә ордунун Дағлыг Бәдәһшандан чыхарылмасыны тәләб едирләр.

Һадисә јеринә ОМОН дөјүшчүләриндән ибарәт груп ҝәләрәк  митинг иштиракчыларындан евләринә дөнмәләрини хаһиш едиб.

Москвада јашајан Дағлыг Бәдәһшан сакинләри сабаһ  даһа бир ҝенишмигјаслы аксијанын кечирилмәси үчүн меријаја мүраҹиәт едиб.

Һорогдан верилән мәлумата ҝөрә, хүсуси әмәлијјат нәтиҹәсиндә  сабиг сәһра командири, һәмчинин Памирин гејри-гануни лидери  Једгор Шомусаламов вә ҝенерал Абдулло Назаровун гәтлиндә рәсмән тәгсирли билинән Толибек Ајомбековун оғлу өлдүрүлүб.

Таҹикистанын Сосиал Демократ Партијасынын Дағлыг Бәдәһшан үзрә нүмајәндәси  Олим Шерзаманов Памирдә етник тәмизләмә әмәлијјатынын ҝетдијини билдириб: «Биз пејк васитәсилә јахынларымызла әлагә сахладыг. Онлар шәһәрин һавадан бомбардман едилдијини билдирирләр. Чохсајлы дағынтылар вар. Һәмчинин динҹ сакинләр арасында  чохсајлы гурбанлар барәдә дә әлимиздә мәлумат вар».

Диггәт: Хәбәрдән истифадә етдикдә мәнбәјә истинад лазымдыр