Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда үмумвәтәндаш, хидмәти вә дипломатик паспортларын тәсвиринин, спесификасијасынын вә нүмунәләринин тәсдиг едилмәси һаггында фәрман имзаланыб.

Фәрманда Президент Азәрбајҹан Республикасы Конститусијасынын 109-ҹу маддәсинин 32-ҹи бәндини рәһбәр тутараг, “Өлкәдән ҝетмәк, өлкәјә ҝәлмәк вә паспортлар һаггында” Азәрбајҹан Республикасы Ганунунун 3-ҹү маддәсинин үчүнҹү һиссәсинә әсасән гәрара алыб ки, “Үмумвәтәндаш, хидмәти вә дипломатик паспортларын тәсвири” тәсдиг едилсин (Әлавә I).

Ејни заманда “Үмумвәтәндаш, хидмәти вә дипломатик паспортларын спесификасијасы” тәсдиг едилсин (Әлавә II). “Үмумвәтәндаш, хидмәти вә дипломатик паспортларын нүмунәләри” тәсдиг едилсин (Әлавә III). Фәрман 2013-ҹү ил ијунун 1-дән гүввәјә минир.

Үмумвәтәндаш, хидмәти вә дипломатик паспортларын (бундан сонра – паспорт) тәсвири Бејнәлхалг Мүлки Авиасија Тәшкилатынын 9303 нөмрәли сәнәдиндә нәзәрдә тутулмуш, машынла охунан сәјаһәт сәнәдләринә тәтбиг олунан бејнәлхалг тәләб вә стандартлара ујғундур. Паспорт 88 мм х 125 мм өлчүлүдүр. 4 сәһифәлик үз габығындан вә 50 дахили сәһифәдән ибарәтдир. Паспортун типиндән асылы олараг, онун үз габығынын биринҹи вә дөрдүнҹү сәһифәләри ашағыдакы рәнҝләрдәдир:

Үмумвәтәндаш паспорту – түнд јашыл рәнҝдә;

Хидмәти паспорт – түнд ҝөј рәнҝдә;

Дипломатик паспорт – түнд гырмызы рәнҝдә.

Паспортун үз габығынын биринҹи сәһифәсиндә гызылы рәнҝлә јухарыда алт-алта “АЗӘРБАЈҸАН РЕСПУБЛИКАСЫ / REPUBLIC OF AZERBAIJAN” сөзләри, ашағыда алт-алта, типиндән асылы олараг, “ПАСПОРТ/ PASSPORT”, “ХИДМӘТИ ПАСПОРТ / SERVICE PASSPORT” вә ја “ДИПЛОМАТИК ПАСПОРТ / DIPLOMATIC PASSPORT” сөзләри јазылыр, ортада Азәрбајҹан Республикасы Дөвләт ҝербинин график тәсвири верилир. Һәмин сәһифәнин ашағы орта һиссәсиндә паспортда електрон дашыјыҹынын мөвҹудлуғуну ҝөстәрән хүсуси ишарә гојулур.

Паспортун үз габығынын икинҹи сәһифәсиндә Азәрбајҹан Республикасы Дөвләт ҝербинин, үчүнҹү сәһифәсиндә Азәрбајҹан Республикасы Дөвләт бајрағынын вә Азәрбајҹан Республикасы хәритәсинин рәнҝли тәсвирләри әкс олунур. Һәр ики сәһифәдә паспортун типинә ујғун рәнҝләрдән истифадә едилир.

Паспортун типиндән асылы олараг, онун үз габығынын үчүнҹү сәһифәсиндә ашағыдакы мәтн јазылыр:

Үмумвәтәндаш паспортунда:

“Бу паспорт Азәрбајҹан Республикасынын мүлкијјәтидир. This passport is the property of the Republic of Azerbaijan.

Паспорт 50 сәһифәдән ибарәтдир. The passport contains 50 pages.

Хидмәти паспортда:

“Азәрбајҹан Республикасынын Хариҹи Ишләр Назирлији бүтүн сәлаһијјәтли органлардан бу паспорту тәгдим едән Азәрбајҹан Республикасы вәтәндашына һәр ҹүр көмәк ҝөстәрмәји хаһиш едир.

The Ministry of Foreign Affairs of the Republic of Azerbaijan requests all authorities to extend all the courtesies to the bearer of this passport, citizen of the Republic of Azerbaijan.

Бу паспорт Азәрбајҹан Республикасынын мүлкијјәтидир. This passport is the property of the Republic of Azerbaijan.

Паспорт 50 сәһифәдән ибарәтдир. The passport contains 50 pages.

Diplomatik pasportda:

“Азәрбајҹан Республикасынын Хариҹи Ишләр Назирлији бүтүн сәлаһијјәтли органлардан бу паспорту тәгдим едән Азәрбајҹан Республикасы вәтәндашына сәрһәди манеәсиз кечмәкдә вә диҝәр һалларда һәр ҹүр көмәк ҝөстәрмәји хаһиш едир.

The Ministry of Foreign Affairs of the Republic of Azerbaijan requests all authorities to allow free passage and to extend all courtesies to the bearer of this passport, citizen of the Republic of Azerbaijan.

Бу паспорт Азәрбајҹан Республикасынын мүлкијјәтидир. This passport is the property of the Republic of Azerbaijan.

Паспорт 50 сәһифәдән ибарәтдир. The passport contains 50 pages.”.

Паспортун үз габығынын дөрдүнҹү сәһифәсинин үзәриндә һеч бир тәсвир јохдур.

Паспортун дахили сәһифәләриндә Азәрбајҹан Республикасынын рәмзләри, милли орнаментләр әкс етдирилир, паспортун типинә ујғун рәнҝләрдән истифадә олунур, тәк нөмрәли сәһифәләрин сағ кәнарынын, ҹүт нөмрәли сәһифәләрин сол кәнарынын орта һиссәсиндә сыра нөмрәси гојулур. Паспортун дахили биринҹи вә икинҹи сәһифәләриндә сыра нөмрәси гојулмур.

Паспортун дахили биринҹи сәһифәсинин орта һиссәсиндә алт-алта “АЗӘРБАЈҸАН РЕСПУБЛИКАСЫ / REPUBLIC OF AZERBAIJAN” сөзләри, ондан ашағыда алт-алта, типиндән асылы олараг, “ПАСПОРТ / PASSPORT”, “ХИДМӘТИ ПАСПОРТ/ SERVICE PASSPORT” вә ја “ДИПЛОМАТИК ПАСПОРТ / / DIPLOMATIC PASSPORT” сөзләри јазылыр.

Паспортун дахили икинҹи сәһифәсиндә ашағыдакылар ҝөстәрилир:

“АЗӘРБАЈҸАН РЕСПУБЛИКАСЫ / REPUBLIC OF AZERBAIJAN”;

паспортун типиндән асылы олараг, “ПАСПОРТ / PASSPORT”, “ХИДМӘТИ ПАСПОРТ / SERVICE PASSPORT” вә ја “ДИПЛОМАТИК ПАСПОРТ / DIPLOMATIC PASSPORT”;

Тип / Type” (үмумвәтәндаш паспортунун типинин шәрти ишарәси “PC”, хидмәти паспортун типинин шәрти ишарәси “PS”, дипломатик паспортун типинин шәрти ишарәси исә “PD” кими мүәјјәнләшдирилир);

“Өлкәнин коду / Code of State”;

“Паспортун нөмрәси / Passport No” (Паспортун нөмрәси типинин шәрти ишарәсинин икинҹи һәрфиндән вә сәккиз әрәб рәгәминдән ибарәтдир);

“Сојады / Surname”;

“Ады, атасынын ады / Given name, patronymic”;

“Вәтәндашлығы / Nationality”;

“Доғулдуғу тарих / Date of birth”;

“Фәрди идентификасија нөмрәси / Personal No”;

“Ҹинси / Sex”;

“Доғулдуғу јер / Place of birth”;

“Верилмә тарихи / Date of issue”;

“Етибарлылыг мүддәти / Date of expiry”;

“Паспорт саһибинин имзасы / Holder`s signature”;

Паспорту верән орган / Issuing authority”;

паспорт саһибинин 30 мм х 37 мм өлчүлү үзүнүн тәсвири үчүн јер вә електрон дашыјыҹынын мөвҹудлуғуну ҝөстәрән хүсуси ишарә;

бејнәлхалг тәләб вә стандартлара ујғун олараг, машынла охуна билән ики сәтирдән ибарәт јазы. Һәмин јазынын икинҹи сәтринин 29-ҹу символундан башлајараг Азәрбајҹан Республикасы вәтәндашынын фәрди идентификасија нөмрәси ҝөстәрилир.

Паспортун дахили ҹүт нөмрәли сәһифәләринин (2-ҹи вә 50-ҹи сәһифәләр истисна олмагла) сол јухары кәнарында јухарыдан ашағыја доғру, тәк нөмрәли сәһифәләринин (1-ҹи сәһифә истисна олмагла) сағ јухары кәнарында ашағыдан јухарыја доғру “ВИЗАЛАР / VISAS” сөзләри јазылыр.

Паспортун дахили 50-ҹи сәһифәсинин сол јухары кәнарында јухарыдан ашағыја доғру “ХҮСУСИ ГЕЈДЛӘР / SPECIAL NOTES”, ашағыда ортада “Ган групу / Blood group” сөзләри јазылыр вә һәмин сөзләрин алтында паспортун нөмрәси штрих код васитәсилә гејд олунур.

Паспортун үз габығы јүксәк кејфијјәтли акрил материалындандыр. Паспортун үз габығынын икинҹи вә үчүнҹү сәһифәләри үчүн истифадә олунан кағыз 50 фаиз памбыгдан вә 50 фаиз селлүлоздан ибарәтдир вә онун һәр квадрат метри 120 грамдыр. Паспортун үз габығы јүксәк температура, көһнәлмәјә, ҹырылмаја, кимјәви маддәләрин тәсиринә, рүтубәтә давамлыдыр вә еколожи ҹәһәтдән тәһлүкәсиздир.

Паспортун үз габығынын икинҹи вә үчүнҹү сәһифәләриндә ултрабәнөвшәји спектрдә ҝөрүнән лифләрдән, ҝилјошдан, микромәтндән, ҝөј гуршағы үсулу илә чапдан, релјефли чапдан, дәрин чапдан, инфрагырмызы вә ултрабәнөвшәји чапдан истифадә олунур.

Паспортун дахили сәһифәләри онларын чыхарылмасыны вә јени сәһифәләрин дахил едилмәсини истисна едән үсулла үз габығына бирләшдирилир.

Диггәт: Хәбәрдән истифадә етдикдә мәнбәјә истинад лазымдыр