ابنا: مزید اطلاعات کے مطابق کالعدم سپاہ صحابہ کے مُلسح دہشتگردوں نے شیعہ ڈاکٹر محمد علی کو کراچی کے علاقے کھارادر میں نشانہ بنایا۔ دہشتگردوں نے 50 سالہ شیعہ ڈاکٹر محمد علی ولد قدرت کو اُن کے کلینک پیپلز ڈسپنسری چاکیواڑہ کھارادر کے باہر فائرنگ کرکے شہید کردیا۔

62 سالہ شیعہ ڈاکٹر محمد علی ولد قدرت کو قانونی کاروائی کے لیے سول اسپتال منتقل کردیا گیا ہے۔ ڈاکٹر کے مطابق کالعدم سپاہ صحابہ کے دہشتگردوں نے شہید کے سر پر ایک گولی ماڑی جس سے وہ موقعے پر ہی شہید ہوگئے۔

ذرائع بتاتے ہیں کہ شہید ہونے والے 62 سالہ شیعہ ڈاکٹر محمد علی ولد قدرت کراچی کی معروف ماتمی انجمن شباب المومنین کے ماتمی ہیں۔

آخری اطلاعات مطابق انجمن شباب المومنین کے ماتمی شہید ڈاکٹر محمد علی کا جسد خاکی سول اسپتال سے فاطمیہ غسل خانہ نمائش پہچادیا گیا ہے۔ شیعہ نوجوانوں کی بڑی تعداد انجمن شباب المومنین کے ماتمی شہید ڈاکٹر محمد علی کے ہمراہ ہے

یاد رہے کہ گزشتہ کئی سالوں سے پورے ملک میں شیعہ ڈاکٹروں کو نشانہ بنایا جارہا ہے جس کا مقصد ملت تشیعُ کے پڑھے لکھے طبقے کو ختم کرکے ملت کو کمزور کرنا ہے، کالعدم سپاہ صحابہ کے دہشتگردوں کی بڑھتی ہوئی دہشتگردی کراچی، سندھ اور وفاق حکومت پر ایک سوالیہ نشان ہے۔ سکیورٹی اداروں کی نااہلی مسلسل شیعہ مسلمانوں کی نسل کشی کا سبب  بنتی جارہی ہے.

.................

/169